لأجلك أحرقت المساء

لأجلك أحرقت المساء
بتبعك لين يتهادى في نهاري لك مساء
وانحر النور بكفوفي واقطع بنورك يدي
ما يضيّعني ظلام ولا يغالبني ضياء
في مخطط كبرياء الشوق ضيّعت جسدي



وين ما وجّه لقيتك.. مثل ما ألقى الهواء
كل ما استنشقت وجهك ..صارت انفاسي تحدي
من كثر قربك لقلبي ..غارت بجسمي الدماء
تنتهي عروقي بغلاك ومن حنانك تبتدي
ومن كثر بعدك شرقت بطيف علمّني الوفاء
ساكن بجفني عناد ولا تركه الا ندي
انتظارك بس لحظة .. مثل عمر المومياء
فيها أغفي بـ( أنت عمري ) واستفيق بـ( بمرقدي )
ضاعت ايام السعادة بين أيه .. وبين ( لاء )
وانت عارفني حبيبي أجودي ولد اجودي
لو تقول ( الياء ) عين ولو تقول ( العين ) ( ياء )
ما أغيّر لك كلام ولا عصيتك يا بعدي
حطني بيمناك شفني لجلك احرقت المساء
ولجل بعدك شف عيوني خلفها الطّيف يعدي